५६– सूरह अल वाकिआकाे नेपाली अनुवाद
नेपाली अनुवादः मुहम्मद सुहैल नदवी
सुरू गर्दछु अल्लाहकाे नामबाट, जाे अत्यन्त करूणामय र परम दयालु हुनुहुन्छ
१. जब घट्ना घट्नेछ
२. त्यो घटित हुनु बापत कुनै शंका हुने छैन
३. त्याे घटना तलवितल गर्नेवाला हुनेछ
४. जब धरतीलाई एक्कासी हल्लाइनेछ
५. र पहाडहरू टुक्रा टुक्रा पारिनेछन्
६. अनि ती छरिएका धुलाे धुलाे बन्नेछन्
७. र तिमीहरू तीन समूहमा हुनेछाै
८. अतः दायाँ तर्फकाे समूह, दाँया समूह कस्तो उत्तम हुनेछ अरे?
९. र बाँया तर्फकाे समूह, र बाँया समूहकाे कस्ताे गति हुनेछ
१०. र अग्रिम समूह त अग्रिम नै हाे
११. उही नै निकटतम समूह हुनेछ
१२. परमानन्दकाे बगैंचामा
१३. पूर्वकालीनहरू मध्ये थुप्रै
१४. र अन्तकालीनहरू मध्ये थाेरै
१५. स्वर्णमय ओछ्यान माथि
१६ त्यसमा अडेस लगाएका आमुन्नेसामुन्ने
१७. चिरञ्जीवी केटाहरू उनीहरूकाे वरिपरि घुम्दै हुनेछन्
१८. कचाैरा र सुराहीहरू र मूलबाट भरिएका प्याला लिएर
१९. जसको सेवनले उनीहरूकाे न सिर घुम्नेछ न बुद्धि नै हराउनेछ
२०. र उनीहरूले राेजेका फलहरू पनि लिएर
२१. र उनीहरूले मनपर्ने चराकाे मासु सहित
२२. तथा मृगनयनी सुन्दर नारी हुनेछन्
२३. जस्तो लुकाइएका माेतिहरूको समरूप
२४. उनीहरूले गरेका सतकर्मकाे बदला स्वरूप
२५.उनीहरूले त्यहाँ न कुनै वयर्थ कुरा सुन्नेछन् न कुनै पापकाे वस्तु नै
२६. मात्र एउटै भनाइ , शान्ति हाेस् शान्ति हाेस्
२७. र दाहिने तर्फवालाहरू, दाहिने तर्फवालाहरू कस्ता भाग्यशाली हुनेछन्
२८. काँडारहित वयरमा,
२९. खातै खात भएका केरामा
३०. र गहन फैलिएका छायामा
३१. र सधैं जारी रहने छहरामा
३२. र अत्याधिक फलहरूमा
३३. समाप्त नहुने र नराेकिने
३४. उकासिएका पलङ्गहरूमाथि
३५.निसन्देह हामीले उनीहरूलाई विशिष्ट सृष्टि गरेकाछाैं
३६. र उनीहरूलाई कुमारी बनाएकाछाैं
३७. आफ्नाे लाेग्नेलाई अधिक माया गर्ने र उनकै उमेरकी
३८. दायाँ तर्फकाे समूहकाे लागि
३९. पूर्वकालीनहरू मध्ये थुप्रै
४०. र अन्तकालीनहरू मध्ये पनि थुप्रै नै
४१. र वाँया तर्फकाे समूह, बाँया तर्फकाे समूह कस्तो अभागि हनुेछ
४२. परितापी हावा र उम्लिदाे पानी बीच
४३. र कालाे धुँवाकाे छाया मुनि
४४. न चिसाे न आरामदायक
४५. याे भन्दा पहिले उनीहरू सुखभाेगी थिए
४६. र बारमबार ठुलठुला पापहरू गर्ने गर्दथे
४७. उनीहरू भन्ने गर्दथे, के जब हामी मर्छाैं र माटाे र अस्थि भइ हाल्छाैं, के हामी पुनर्जीवित पारिनेछाैं
४८. अथवा के हाम्रा आदिकालीन पूर्वजहरू पनि
४९. हे नबी, तपाईँ भन्नुस्, निसन्देह सबै पूर्वकालीन र सबै अन्तकालीन
५०. अवश्य नै भेला पारिनेछन् एउटा ताेकिएकाे दिनकाे निश्चित समयमा
५१. फेरी अवश्य नै तिमीहरू, हे पथभ्रष्ट इन्कारीहरू
५२. पक्कै जक्कूमकाे रूखबाट खानेछाै
५३. अनि त्यसैद्वारा भुँडि भर्नेछाै
५४. त्यसपछि उम्लिदाे पानी पिउनेछाै
५५. अनि प्यासा उँट झैं घट्काउनेछाै
५६. प्रतिफलकाे दिन उनीहरूकाे यस्तै मेजमानी हुनेछ
५७. हामीले नै तिमीहरूकाे सृष्टि गर्याै तापनि तिमीहरू किन स्वीकार्दाैनाै?
५८. के तिमीहरूले साेच्याै, जो तिमीहरू वीर्य विसर्जित गर्छाै
५९. के उसलाई तिमीहरूले बनाउँदैछाै कि हामी त्यसकाे सृष्टिकर्ता हाै
६०. हामीले नै तिमीहरूबीच मृत्यु ताेकेकाछाैं, र हामी पछाडि पारिएका हुँदैनाैं
६१. कि हामीले तिमीहरू जस्ताकाे जुनी नै परिवर्तन गरौं र तिमीहरूलाई त्याे रूपमा सृष्टि गराैं जाे तिमीहरूले जान्दैनाै
६२. निसन्देह तिमीहरूले आफ्नाे पहिलाे जन्मलाई जानी सक्याै अनि किन उपदेश ग्रहण गर्दैनाै?
६३. तिमीहरूले जाे खेत जाेत्छाै त्यसलाई के बुझ्याै?
६४. के तिमीहरूले अन्न उमार्छाै कि हामी खेती लगाउँछाैं
६५. यदि हामीले चाहयाैं भने अवश्य नै त्यसलाई भुस बनाएर छाड्ने छाैं, अनि तिमीहरू गफ गर्दै बस्नेछाै
६६. हाम्राे त टाटै पल्टियाे रे
६७. बरू हाम्राे भाग्य नै फुट्याे
६८. जुन पानी तिमीहरू पिउँदैछाै, त्यसकाे बारेमा के विचार गर्याै?
६९. के उसलाई तिमीहरूले मेघबाट वर्षाएका छाै कि हामी वर्षाउनेवाला हाैं
७०. यदि हामीले चाहयाै भने उसलाई नुनिलाे बनाइ दिन्छाै, तापनि तिमीहरूले उपकार मान्दैनाै
७१. जाे आगाे तिमीहरू बाल्ने गर्छाै , त्यसबारे के साेच्याै?
७२. के उसकाे रूख तिमीहरूले उमार्याै कि हामी उमार्नेवाला हाैं?
७३. हामीले नै त्यसलाई उपदेशकाे साधन र बनमा बस्नेहरूकाे लागि जीविका बनाएका छाैं
७४. तसर्थ आफ्ना महान प्रतिपालककाे महिमागान गर
७५. अनि म कसम खान्छु ताराहरू अवस्थित हुने स्थानकाे
७६. यदि तिमीहरूले बुझ्याै भने याे एउटा गम्भीर कसम हाे
७७. निसन्देह याे एउटा सुसम्मानित पाठ हाे
७८. एउटा सुरक्षित किताब भित्र
७९. जसलाई अति पवित्रहरू बाहेक कसैले छुँदैन
८०. समस्त जगतका स्वामीकाे तर्फबाट अवतारिदैछ
८१. अनि के तिमीहरू यस भनाइलाई वेवास्ता गर्दैछाै
८२. र यसलाई झुठाे भन्ने कामलाई मात्र आफ्नाे फाँटमा राेज्दैछाै
८३. अनि यस्ताे किन हुँदैन कि जब प्राण घाँटी सम्म पुग्छ
८४. तिमीहरू त्यसलाई अवलाेकन गर्दै हुन्छाै
८५. र हामी ऊदेखि सबै भन्दा निकट हुन्छाैं तर तिमीहरू देख्दैनाै
८६. अनि यदि तिम्राे हिसाबकिताब हुने छैन भने
८७. किन त्यसलाई फर्काउँदैनाै? यदि तिमीहरू सत्यवान छाै
८८. तसर्थ यदि काेही अत्यन्त निकट राखिएकाहरू मध्ये छ भने
८९. त्यसकाे लागि आरामैआराम, सुगन्धित खाद्यपदार्थ र परमानन्दकाे बगैचा छ
९०. र यदि काेही दाहिने समूह मध्ये छ भने
९१. दाहिने समूह मध्ये भएकाेले तिमीलाई सलाम छ
९२. र यदि काेही इन्कारी र पथभ्रष्ट मध्ये छ भने
९३. त्यसकाेलागि उम्लिदाे पानीद्वारा स्वागत छ
९४. र नर्कमा मिल्काउनु पनि
९५. निसन्देह याे वास्तविक सत्य नै हाे
९६. तसर्थ आफ्ना महान प्रतिपालककाे महिमागान गर
सूरह समाप्त
