नेपालीमा पहिलो नअत्

पावन नअत

नयाँ शैली नयाँ चिन्तन चयन ले 

अनौठो सोच्दै छ मेरो मनले

बिधा यौटा रचूँ म पद्य मध्ये 

गरूँ गुणगान अहमदका मनन ले

उही अन्तिम नबी अल्लाहका हुन् 

छ प्रमाणित हरेक पावन कथनले

ज्योतिर्मय मुहम्मद को भयो जन्म 

जगत उज्जल भो उनका आगमनले

अन्धेरी रातको अन्त्यष्टि  हुँदा 

बिहानी मुस्कुरायो खूब मनले 

वहाँ को सम्झना गर्दैछ वर्णन

सुगन्धित फूलले शीतल पवनले 

सुनौलो वास्ना छर्दैछ भुमि

कि गर्छ पुष्प का वर्षा गगनले 

स्वयं अल्लाह माया पोख्दै छ

बृहत् प्रशंसा गर्दै उनका उनले

भनाई मेरो भो कस्तो बहुमूल्य

मुहम्मद मुस्तफा का गुणकथनले

रचनाकार : सुहैल  अन्सारी