परम शक्तिको सामु निर्बलको उजुरी
हे मित्र जन्, कहाँ पोखूँ
मनको ब्यथा, कसो गरी ।
सर्र छिर्दै छ मन् भित्र
दुःख पीडा त्रास सुस्तरी ।।
त्याग्दै छन् प्राण सर्वत्र
बलवान् दुर्बल सरासरी ।
मृत्यु को खेलमा रैछन्
धनवान् निर्धन् बराबरी ।।
प्रकोप फैलिएको छ
विश्व भरि निरन्तर ।
भयको जगत् बनेका छन्
गाउँ शहर् सडक् घर ।।
शक्त अशक्त को हालत्
पूर्व पश्चिम एउटै ।
निराशा मा फसेका छन्
निर्बल शस्त्र दुई वटै ।।
असीम लोक जीतेको
महाबलि छ यद्यपि ।
बस्न बाध्य भएको छ
कोठा भित्रै लुकी छिपि ।।
हे अल्लाह! दया पाऊन्
मनुष्य छन् धरापमा ।
संकटयाम चढाइन्छ
बिन्ती तिम्रै जुनाफमा ।।
तिम्रै नाम करुणामय
तिमी रह्मान् रहीम छौ ।
संकट हर्ने तिमी मात्रै
भक्त प्रति करीम छौ ।।
माथा ढोग्दै बसेको छ
भक्त गुहार् लगाउदै ।
दुवै हात पसार्दै छ
यो दास भीख मागदै ।।
हर्ष र शान्तिको आसमा
फिरादी को पुकार छ ।
कृपा गरून् दया पाऊन्
गुहार छ गुहार छ ।।
सुहैल अन्सारी
भोक्राहा-2 सुनसरी
No comments:
Post a Comment