कादयानी को हुन? १०

 कादयानियत: इस्लाम र मुहम्मदी सन्देश विरुद्ध एक विद्रोह 

लेखक: मौलाना सैयिद अबुल हसन अली नदवी (रह०)

अनुवाद: मुहम्मद सुहैल नदवी 

भाग (१०)

मुसलमानबीच विभेदनाः

यो नया दूतत्वकरणद्वारा इस्लामी जगतमा जुन भयावह झगडा उत्पन्न हुनेछ र मुसलमानहरूबीच जुन मतभेद र एकत्रित समुदायको बिखण्डन हुन सक्छ त्यसको बारेमा  सोच्दापनि एउटा सत्य मुसलमान व्याकुल हुनु स्वाभाविक हो, अधर्मता र नास्तिकताको यस युगमा मानवजाति भित्र अनल हक्क(انا الحق ) र अनन्नबी(انا النبي) भन्ने लालसा बाँकी रहेको छैन, तर मिर्जा गुलाम अहमदको लिटरेचरको प्रभाव र चतुर कादयानी प्रचारप्रसारद्वारा यदि इस्लामी जगतमा इश्दूत्वको दाबी गर्ने प्रथा उत्पन्न भयो र इस्लामी जगतको हरेक कुनाकाप्चाबाट विभिन्न व्यक्तिहरूले आफ्नो आफ्नो दूत हुने दाबी गर्दै झण्डा फहराउन थाले र त्यो झण्डा मुनि नआउनेहरूलाइ काफिर ,नास्तिक भन्न सुरू भयो भने इस्लामी जगतमा कस्तो सैद्धान्तिक र धार्मिक विभेद र टक्राउ उत्पन्न होला र इस्लामी जगत कति खण्डमा विभाजित हुन पुग्ला? जुन समुदायको उत्पत्ति वर्ण र जातिको विभेद र समुदाय र भूमिको विखण्डनालाई मेटाउन, समस्त मानव जातिलाई एक सूत्रमा गाभ्नका निम्ति भएको थियो,त्यो धर्म आफैं धार्मिक कलह र सामुदायिक विभेदनाको सिकार हुन्छ । यो खतरालाई मोलवी मुहम्मद अली लाहुरीले पनि महसुस गरेका थिए र आफ्नो एउटा लेखमा विस्तारसहित यसको चर्चा पनि गरेका थिए, तर उनलाई पनि यस खतराको ढोका त मिर्जा गुलाम अहमदले स्वयं खोलेका रहेछन् , आभास भएको थिएन, इस्लामको सम्पूर्ण इतिहासमा उनी प्रथम व्यक्ति हुन जसले इश्दूत्वको क्रम र सिलसिलालाई एउटा निम्तो र अभियानको रूपमा पेश गरेका छन् , मोलवी मुहम्मद अली बुद्धिजिविहरूलाई सम्बेधित गर्दै भन्छन् ।

"इश्वरकालागि तपाइहरू विचार गर्नुहोस् , यदि मियाँ साहबको यो आस्था कि नबीहरू आउँदै गर्छन्, र हजारैं नबी आउनेछन् , सत्य हो, जसरी उनले खुलारूपमा "अन्वारे खिलाफत"मा लेखेका छन्, त्यसपछि यो हजारौँको जमात एक अर्कालाई काफिर वा नास्तिक भन्ने हुन्छन् कि हुँदैनन् ? इस्लामी एकता कहाँ जान्छ? यदि मानौँ ती सम्पूर्ण नबीहरू अहमदी जमातमा मात्र हुने भए अहमदी जमात कति खण्डमा विभाजित हुन्छ? विगत समयको परम्पराबाट तिमी अज्ञात छैनौ, कसरी एउटा नबी आएपछि एक समूह उनका पक्षमा र अर्को  समूह विपक्षमा हुने गर्दथे, त्यो इश्वर जसले मुहम्मद सल्लल्लाहु अलैहि वसल्लमको हातद्वारा सम्पूर्ण जगतलाई एक दाँजोमा ल्याउने मन्साय जाहिर गरी सकेका छन् , के उसले मुसलमानहरूलाई यसरी टुक्रामा खण्डित पार्नु हुन्छ र? तिमीहरू एक अर्कालाई काफिर भन्दैछौ, एक अर्कामा कुनै इस्लामी भ्रातृत्व बाँचेको छैन । याद राख ! यदि इस्लाम धर्मलाई सम्पूर्ण धर्महरूमाथि विजयी बनाउने बाँचा सत्य हो भने इस्लाम धर्ममाथि यस्तो  संकट कहिल्यै आउँदैन, कि हजारौ नबीले आफ्नो छुट्टा छुट्टै समूह लिएर हिडने हुन्छन्  र हरेकले डेढ इँटको  मस्जिद छुट्टै बनाउने गर्छन् , उनका अनुयायीहरू आफ्नो स्थानमा आस्था र सफलताका ठेकेदार बनेका हुन्छन्  र अरू सबै मुसलमानहरूलाइ काफिर र नास्तिक ठम्याउने छन् ।"

एउटा असत्य र खतरापूर्ण सिद्धान्तः

मिर्जा गुलाम अहमदको एउटा सिद्धान्त जसले इस्लामी मस्तिस्कमा द्वविधा र इस्लामी समाजमा विभेदनाको ढोका खोलेको छ त्यो हो मुकालमात व मुखातबात ए इलाहिया अथवा "इश्वरीय सम्बेधन र वार्तालाप",लाई धर्मको सत्यताको निम्ति सर्त र अनुसरण र तपस्याको प्राकृतिक परिणाम मान्नु, उनको विचारमा जुन धर्ममा सम्बेधन र वार्तालापको क्रम जारी रहँदैन त्यो  धर्म मिथ्य र निर्जीव हुन्छ, अथवा त्यो शैतानिक धर्म हुन्छ र नर्कमा पुर्याउँछ र जुन धर्मका अनुयायीहरू तपस्या र संघर्षका बावजुद यस एश्वर्यबाट बन्चित हुन्छन उनी हरू वास्तवमा बाटो बिराएका निर्धा  र नेत्रहीन हुन्छन् ।

उनले बराहीने अहमदियाको पाँचौ  भागमा लेखेका छन् 

"यस्ता नबी आफूमा के इज्जत, सम्मान, कुन श्रेणी, र कस्तो  प्रभाव र अध्यात्मिक सामर्थ्य राख्न सक्छ जसका अनुसरणका दाबी गर्नेहरू अन्धा र नेत्रहीन हुन्छन् र इश्वरले आफ्नो सम्बोधन र वार्तालापद्वारा उनीहरूका आँखा खेल्नु भएको छैन, यो कस्तो असत्य र अनर्थक आस्था हो भने मुहम्मद सल्लल्लाहु अलैहि वसल्लम पश्चात इश्वाणीके ढोका सधैंका लागि बन्द भइसकेको छ, र अन्तिम दिन सम्म यसको कुनै सम्भावना छैन, मात्र कथा कहानीको अनुसरण बाँकी रहन्छ, यस्तो धर्म पनि धर्म हो जसमा प्रत्यक्ष रूपमा इश्वरको पत्तै लाग्दैन, मात्र कथाको भरमा आधारित हुन्छ, यदि कसैले त्यो इश्वरका लागि ज्यानको बलि दियो, उनको प्रसन्नता प्राप्तिका लागि आफूलाई मेटायो ,र आफ्नो  हरेक वस्तुमा उनको अख्तियार स्वीकार गरेतापनि उनले आफ्नो परिचयको  ढोका खोल्न मान्दैनन् , र आफ्नो सम्बोधन र वार्तालापद्वारा सुसम्मानित गर्दैनन् , कस्तो अचम्म ! "

"म इश्वरको सौगन्ध खाएर भन्छु यो समयमा त्यस्तो  धर्मका निम्ति अरू कसैले म भन्दा बढी आपत्ति जनाएको छैन होला, म यस्तो  धर्मलाइ शैतानिक धर्म भन्छु, रहमानी होइन, मलाइ पूर्ण विश्वास छ, यस्तो धर्मले मानवलाइ नर्कमा मात्र धकेल्छ ।"

क्रमश: